سلام سرلشکرو سردار گومنام
گول په رّپه رّ بیوِ جبهه یلِ ایلام

اومیدی تِ سَه ریدله هرچی بَرزه
ل گیانِ دوژمنه یل خسی تِ لرزه

اومیدی تِ اومید ره برِم بیود
تِ فرمانده سپاه و لشکرم بیود

اومیدی سه ر سِوارِ ایلمان بیود
چراخ تورّی  شه وارِ خیلمان بیود

دلاور مِ له کام پاتک بنیوسم؟
مِ بارِ دیورید تاکه ی بکیشمم؟

تِ زین الدین تِ صیادِ دِلیری
له وجودِ تِ نَه یو بند و اسیری!

قولَّه ی میمک ئِرا مرگد عه زاگرد
شکایه ت نامه را دَه رگای خدابرد

تِ ئاو روشنِ چه مِ زولالید
گژه ی وای هونِک ئاسوگلالید

نه مِردیده تِ زنده یدِن براگه م
شه فیع حالِ بنده یدِن  براگه م

خوشاوه حال تِ له روژ مه حشَر
کِ بیوده هاودَه مِ عبّاس واکبر

✍بیت اله نوریان
(ایلیاایلامی)
سوم خرداد ۱۴۰۲